Urbanismo e restauración en Santiago de Compostela

Porta da Pena, Loureiros e Rúa do Hospitaliño.

2010-02-13T12:24:00.062+01:00

Sigo no meu camiño, buscando novas cousas que, o meu parecer, non están de todo ben... Pero non se lle pode pedir a quen non ten, ou neste caso, ten a cidade toda levantada nun ano no que, o marxe de consideracións relixiosas, imos recibir un grande número de visitantes.
Como veredes, aluminio, cables de abandono mesturáranse en perfecta maridanza neste percorrido de hoxe...

O ceo non engana... ¡Caeume un chaparrón mentres facía as fotos que era moito!

A pedra que pisas (e a que non pisas)

2010-02-03T11:59:00.012+01:00

Debe ser que son moi repunante (que si, que iso é verdade, xa o di miña nai) pero non entendo nin entenderei porque se esperou a este ano para arranxar o pavimento da praza da Quintana que está pegado á Porta Santa, o da rúa do Vilar ou o da praza do Toural. Que non se escuden, como noutros casos, en que os cartos veñen de subvencións que hay que aproveitar senón se perden -Plan E-, porque o ano pasado arranxaron Acibechería (o chan nada máis, que as fachadas dan noxo), e seguro que podían ter arranxado esto sen esperar ó Ano Santo... Déixovos unhas fotos do sábdo 30 e do domingo 31 de Xaneiro para que vexades a que montaron esta manga de improvisados...
Praza da Quintana

O do fondo xa é a Porta Santa, que é onde fan cola para entrar as hordas bárbaras de invasión da Catedral ;) Na súa ansia conquistadora, non poideron evitar tirar as señalizacións das obras...

Cartel das obras...¡Se mesmo da ganas de pisalo tamén a el!

Esta intervenión nas Pelayas tampouco debía poder esperar...
Rúa Do Vilar

O alamacén de material estaba un poco máis adiante...Os da Fundación Caixa Galicia debían estar encantados... Non hay máis que mirar as dúas fotos de abaixo:

Praza do Toural

O seguinte supoño que será cubrir cunha lona a fachada do Obradoiro e proceder a súa limpeza...

¡Cables! (Volumen 1)

2010-02-02T12:16:00.052+01:00

Imos ver algúns cables nas fachadas, pola zona de San Miguel, da Rúa do Vilar, do Toural, Orfas e Virxe da Cerca... A ver se vos gustan...Para ser a cidade mellor conservada de España da bastante noxo... Dádelles a ampliar, para desfrutalas en toda a súa magnitude...

Neste caso, gustoume ademáis ese caño de plástico saíndo da fachada e meténdose no balcón da casa do lado, na que antes estaba Elsavadeboda...

Precioso cable verde...

Moitos tubos oxidados...¿gaña o máis curto?

Tuberías que perden auga, focos sospeitosos, ferros cravados na pedra, ...

¡Que porcona! ¡Esa caixa anda a ensinalo todo!

Cables en diagonal por riba dos propios canos...

A pintura rosa débese a que nunha fiestra desta casa tiñan unha bandeira española...Que non creo que quedara peor que a puñeteira pintura na pedra...

"Somos negros, somos blancos, somos rojos y amarillos...Somos todos diferentes y estamos muy unidos"

O balcón parece que vai saltar a comba...

Mesmo parece que os cables seguen o símbolo do Camiño.. E non vai mal, que isto está xusto enfronte da Oficina do Peregrino...

De moitos colores e enmarañados nun dos arcos da rúa do Vilar...

Máis do mesmo. Arcos mancillados...

Os que va dende o chan pola parede, van cubertos por unha especie de regleta de metal, pero para protexelo de actos vandálicos, que por estética non creo que sexa, que estos a estética a pasan polo arco do triunfo...

Podes quitarte unha foto vestido de peregrino ou podes sacala aforcándote ma maraña tenebrosa...

Polo menos os pintan de branco...

Parecen o sistema circulatorio, suben e baixan por doquier...

Argollas serven para desplazalos por toda a pedra...

¿Son necesarios todos esos cables?

Gústame especialmente como salvan as portas, todo por riba das súas claves...

Vese que son instalacións para durar anos...

Obras moi curradas e supervisadas por especialistas no mundo da chapuza...

Cano vermello...

Precioso arco e más precioso e tenro o abrazo que lle da ó arco o cable...

Ricoleto rincón, cos cables, a pintura levantada e a tenda de recordos a dereita...

O arco, o verdín, os cables, o aluminio...¿Como puden dudar das verbas do noso alcalde?

Este, encántame... As dúas fotos de abaixo, e a de enrriba son do Pazo de Bendaña, de Clemente Sarela, do século XVIII...É o exemplo de como se pode mancillar a arte con cables...

Roliños de cable sobrante que quedan como elemento ornamental...

De novo, todo o aire...

Canos e cables en perfecta convivencia...

Máis caixas abertas...

Con esta luz crepuscular aínda lucen máis...

Os cables trepan pola fachada...

Que hai que parar e dicir basta xa o sabiamos sen necesidade de sinal...

Especie de enchufe colgado sobre a rúa...

Máis roliños de cable...

Cables tensos e cables medio soltos...

Ademáis dunha pintura en malas condicións, podemos ver que o crecemento dos cables é orgánico. como as ramas dunha videira...

Esto que o quiten tal cual e o leven o CGAC...

Parece talmente unha solución temporal, pero así, levar, leva anos...

Mirade que listos estos cables, como se meten na casa sen chamar a atención...

Que dicir disto, ademási de que ese cano negro e plano non creo que cumpla a normativa...

En fin, caixa aberta, cables para todos os lados,...

Si, é o que parece, están atados no aire...

Esto creo que o colocou Edison personalemtne para probar a súa primeira bombilla...

E isto e da primeira proba fallida...

O cable que sobra, adorna...

É un ornamento máis da placa co nome da rúa...

Precioso, ¿non?...¿Cal credes vos que sería a solución a este problema estético sendo respetuosos coas fachadas?

Un anaquiño da rúa Acibechería da para moito...

2010-01-29T16:31:00.015+01:00

Como nesta cidade non fai falla andar moito, vou comentar 15-20 m desta rúa, que como saberedes é a que conecta a Praza de Cervantes coa fachada da Acibechería da Catedral, dando acceso, tamén, a baixada cara ó Obradoiro. É dicir, é unha das rúas con máis tránsito da cidade vella.

Sistema de cortinas dunha tenda de recordos desta rúa -que está a ver se consegue ter máis que o Vilar-: cartóns e alfombra de praia.

Porta desta rúa

Antiga Oficina da Seguridade Social, que leva meses pechada e que non desmantelan...As verxas teñen ferruxe e lixo.

Agora vouvos poñer un dos meus exemplos favoritos. Leva así polo menos os 5 anos que eu paso a diario por esta rúa...A rede verde está cravada con puntáis de ferro á pedra, que está recuberta con cemento. É unha especie de cortello, xa que a xente bota merda entre a rede e o edificio, e ninguén o limpa...¿Pasaría últimamente D. Xosé por aquí?.

Detalle da merda

Detalle das táboas coas puntas de ferro.

Outra porta desta mesma rúa (15-20 m., repito)

Xardineiras de arxila suxeitas con ferros...A verdade é que está bastante precario, e calquera día con vento, féndenlle a testa a alguén...

Cableado pola fachada... Nalgún caso oculta o propio número da casa...

Máis e mellor en próximas edicións de " Santiago non é, nin de lexos, a cidade mellor conservada de España"...

Aluminio IV e outras especies...

2010-01-29T11:36:00.029+01:00

Pois nada, benquerido alcalde, se non queres caer da súa ensoñación, espero que non vexas nin esta entrada, nin as anteriores nin as que van vir... Hoxe, rúa da Troya, Abril Ares e rúa das Campás de San Xoán.

Escudo e máis aluminio...Estoume a emocionar...

Porta dun establecemento pechado na rúa da Troya...Anos leva así...

Aluminio...

Lateral dunha casa nesta rúa...

Máis aluminio...

Este é un edificio enorme, que cubre gran parte desta rúa da Troya...O seu estado é lamentable dende hai bastantes anos...

E máis aluminio...

Este edificio, a escasos 20 m. de San Martiño, e moi preto do Museo do Peregrino e da Igrexa de San Miguel dos Agros, é unha mostra do estado xeral dos edificios encalados en Santiago...Os de pedra aguantan o tipo, pero estos mostran a verdadeira cara da cidade. ¿Ou non é, Xosé?.

Aluminio...

¿Neste Concello non hay unha ordenanza contra pintadas e carteis? Porque en Ferrol, que é Terceiro Mundo urbanísticamente falando, acaban de aprobar unha...

Encantame esta rede verde das fiestras...¿Esto é o habitual? ¿Permítese mentres non se restaura? (Que inxenua ...se seguro que lle poñen aluminio...bueno, o mellor se non teñen unha boa amizade, non lles queda outra que restaurar...Xa se verá)

Para que non cese a festa, máis aluminio...

Vista do fin da rúa das Campás de San Xoán, cara a baixada de Moeda Vella... Outro dos rincóns encantadores da nosa cidade....

Degradación e aluminio...¡Qué exemplo de cidade!

Esta rúa das Campás de San Xoán recibe o seu nome dunha espadana situada enriba dunha casa particular. A parroquía de San Xoán, que ocupou entre 1933 ata 1995 a capela da Virxe do Socorro da Igrexa de San Martiño empregou estas campás para chamar á misa xa que esta igrexa non ten torres de camapanario na súa fachada. O motivo é que de construirse estas torres no momento que se levantou a fachada (1597), serían máis altas cas da Catedral, que aínda conservaba a súa fachada románica. Desta historia tan curiosa queda o nome da rúa, e pouco máis. O estado do edificio podemos velo na foto

Seguimos "aluninizando" a mañá...

Isto está un pouquiño máis abaixo, chegando á praza da Inmaculada...

Pois nada, que a cidade está de rechupete... Isto de hoxe deben ser 200 m, así que vamos, cando siga por outras rúas -que seguirei-, veremos que máis marabillas atopamos que nos permitan afirmar, sen rubor, que Santiago, a nivel de restauración e urbanismo, é das mellores, senón a mellor, de España. Gracias, Xosé Bugallo, por darme máis ganas de adicar os meus escasos momentos de ocio a ver o ben que tes a cidade. Déixote, para que poidas seguir colocándote medalliñas no peito.

Santiago, en materia de actuaciones urbanas, es tan buena o mejor que cualquier ciudad de España - Xosé Bugallo (Alcalde de Santiago de Compostela)

2010-01-17T12:16:00.005+01:00

Primeiro vou estractar o artigo completo, aparecido na Voz de Galicia hoxe, domingo 17 de Xaneiro de 2010. O final porei o enlace coa páxina, para que o podades ver in situ. É unha entrevista o noso alcalde sobre materia de urbanismo, que como poderíades apreciar, é un tema que me interesa e indigna en partes iguais. Repito que fala de Santiago, non de Chile, senón de Compostela. Repito, de Compostela:

"Al margen del Xacobeo, la gran bandera de Bugallo como alcalde ha sido el urbanismo. En el último año, el área compartida por el PSOE y el BNG (en el casco histórico) ha sufrido duras críticas de la oposición, y en la calle existe un anónimo pavor a un departamento con un poder tremendo.
-Santiago, en materia de actuaciones urbanas, es tan buena o mejor que cualquier ciudad de España, y es un caso singular por calidad, por la proporción de vivienda protegida y por el volumen de construcción en este momento. No verá en ningún lugar de Galicia más grúas que en Santiago.
-Eso es política. ¿Pero qué hay de la gestión del departamento?
-No se puede separar la política de la gestión urbanística. Luego en el día a día es verdad que ha sido un departamento meticuloso y a veces se ha entendido como muy intervencionista. Pero eso tiene mucho que ver con los proyectos de calidad: en rehabilitación, en conservación de patrimonio... de verdad, creo que somos mejores que cualquier ciudad de España.
-Pues no faltan ni quejas ni pleitos por estos asuntos.
-Le puedo asegurar que el Concello gana el 99% de los juicios por temas urbanísticos. ¿Qué pasa? Que solo va al periódico el 1% que gana, y es más llamativo. Acabamos de aprobar el PXOM y se han presentado 40 recursos, cuando había más de cuatro mil alegaciones. Me atrevería a apostar con usted a que de los 40, solo cuatro salen adelante."

Estou a ferver, e non moi de acordo co que aquí se afirma. Pero como non é o mesmo dicilo que demostralo, vou poñer 7 mentiras manifestas que están presentes nesta entrevista:

1.- Santiago es tan buena o mejor en urbanismo que cualqueir otra ciudad de España. Neste caso imaxino que se refire ou ben a Madrid no 39, despoís dos bombardeos, ou as Hurdes 5 minutos despoís de rodar Buñuel o seu documental "Tierra sin pan". Teño fotos suficientes nun mes escaso que levo co blog para botarlle por terra as súas afirmacións. E máis que vou poñer, porque esto é agora unha cruzada persoal a morte contra semellante desvergonza.

2.- Es un caso singular por calidad. ¿Por calidade de que?, ¿De verdín?, ¿De madeira podre?, ¿De aluminio con persians por fora? ¿de casas abandoadas? ¿de intervencións polémicas e absurdas? ¿de restauracións a medio facer? ¿de tendas de recordos descontroladas ocupando baixos relevantes da nosa cidade? ¿da eliminación de prazas de aparcamento gratuitas para forzar o uso dos parkings? ¿de reformas urbanas que non se cuidan e os dous días dan pena?...Si, neso o Concello de Santiago alcanza unha calidade suprema. Parabens. En desurbanización sodes os mellores.

3.-No verá en ningún lugar de Galicia más grúas que en Santiago. Esta afirmación aínda non a entendo moi ben. En Dubai hai máis, dígoo por se con esta afirmación pretende entrar no Guinness dos Records. Paréceme que non é motivo para presumir, sobre todo tendo en conta esa maravillosa panorámica da praza da Quintana presidida pola grúa dos obras inconclusas do antigo banco de España (ver entrada neste blog referido a isto).

4.- Falando da suposta politización do departamento de urbanismo di: Ha sido un departamento meticuloso y a veces se ha entendido como muy intervencionista. Home, o truño de Correos é intervencionista, pero no xeito no que o foi EE.UU en Chile ou Arxentina. En canto a meticuloso, supoño que dependerá con quen, porque non fai nin un mes que meteron un aluminio horroroso en pleno Cantón do Toural, e non o entendo como non o viron levando como levan o fuciño sempre recachado cara arriba.

5.- Eso tiene mucho que ver con los proyectos de calidad: en rehabilitación, en conservación de patrimonio. Jajajajajajajajajajaja... O final está falando da cidade de Santiago de Chile seguro. Iso ou este señor é o gañador do último Festival do Humor Alcaldes sen fronteiras en afirmacións falsas, incorrectas, imprecisas ou, simplemente, mentireiras.

6.- De verdad, creo que somos mejores que cualquier ciudad de España. Remítome o primeiro punto do meu descurso. Por non repetirme.

7.- Le puedo asegurar que el Concello gana el 99% de los juicios por temas urbanísticos. É o que ten ter a tixola polo mango. Tampouco entendo moi ben a que se refire. Eu entendo que o Concello paraliza unha restauración ou reforma ou obra de nova pranta por incumplimento da normativa, e gaña o xuizo. Moi ben. Isto supón que coñece a normativa e non a fai cumprir en tódolos casos, senón nalgúns. Cada cal que quite as súas propias conclusións.

Conceder unha entrevista e facer estas afirmacións sabendo que a xente que vive nesta cidade ten ollos na cara é surrealista. Pido que esta entrevista se imprima e se coloque nun marco na Fundación Granell, entre un cadro da etapa barroca e unha ensanblaxe de don Eugenio. Aínda que creo que no Museo do Humor de Fene tampouco desmerecería. E que o ilustre Xaquín Marín.

http://www.lavozdegalicia.com/santiago/2010/01/17/0003_8232149.htm

Fiestras de aluminio III

2010-01-13T11:17:00.060+01:00

Estas fotos quiteinas o día de Reis pola tarde, e como chovía e facía un día de cans, discúlpome por adiantado pola súa calidade, xa que para non mollar en exceso a miña querida cámara, algunhas están un pouco movidas. O itinerario será o seguinte: Cantón do Toural, Rúa Nova, parte de Tras Salomé, Xelmírez ata Preguntoiro, rúa da Conga, Vilar, praza do Toural, Bautizados, porta Faxeira, rúa do Franco, Praza de Fonseca e rúa de Fonseca. Aquí xa se fixo de noite, e aínda que vin máis aberracións, xa non podía quitar fotos. Así que confiade na miña palabra e nas fotos que quitarei en próximos días.

Porei de novo o caso da Clínica dental Pazos, por regodearme, como cando metes a lingua no lugar onde antes había unha moa, e dóete, pero non o podes evitar. É dicir, un acto compulsivo fronte o acto repulsivo que é este aluminio no Cantón do Toural:

Rúa Nova

Hostal -Bar La Tita. Ole, ole y ole esas persianas por fora en pleno centro histórico. Vese que lles vai ben o negocio, que non escatiman en gastos.

Máis casos na rúa Nova:

Tras Salomé

Rúa Nova de novo (parece un trabalinguas!!) Este ten escudo e alumnio, aínda que direi que me parece un alumnio moi respetuoso coa zona, e se todos foran así, esta sección tería bastante menos mala leite.

Antigo Pazo de Santa Cruz, hoxe Residencia universitaria de María Inmaculada.

Esta casa pecha a rúa Nova cara Xelmírez. Aínda que parece un burdel por ese luminoso horrendo, en realidade, e supostamente, é unha tende de productos de calidade chamado As Monxas, e tamén está ornado con aluminio...Teremos que ser crédulos aínda que os nosos sentidos nos aconsellen desconfiar...

Rúa de Xelmírez

Rúa da Conga

Fiestra lateral do antigo Banco de España, hoxe zona "0" de Santiago (ver a entrada no blog reservada a este sinsentido). Aluminio cor aluminio.

Rúa do Vilar. Conste que o baixo quedou moi ben, é entendo que pechen o zaguán. Pero o metal sobra, hay outras solucións...

Praza do Toural

Rúa Bautizados

Ollo á ampliación do tellado...Que sutileza...Que fermosura..

Porta Faxeira

Rúa do Franco

Que edificio máis alto!!

Esta fantasía psicotrópica débese a choiva.

Poderían cortarse un pouco máis en poñer o aluminio por dentro en branco se por fora é en verde.

Esta madeira cor madeira paréceme sospeitosa, ¿non teñen que ir en branco ou verde? Ala, anarquía... (De todas maneiras, case enfronte está a nova sede de Correos, igual se lle caeu a pintura do susto)

Praza de Fonseca

Rúa Fonseca

Xa está ben por hoxe!!! Gustaríame darlle as gracias a Rubén que, rosmando, eso si, acompañoume a quitar estas fotos e axudoume a buscar os edificios con aluminio. Sen el non sería o mesmo. E este blog tampouco.

Xoiería Malde na rúa do Vilar

2010-01-12T12:33:00.008+01:00

Sorprendeume descubrir en prensa que esta xollería, que levaba dende hai 77 anos nese baixo, un marabilloso exemplo de Art Decó, pechada tras unha sentenza xudicial favorable á dona do mesmo.

Parece ser que a dona do baixo levounos aos tribunais e conseguiu desaloxalos. Con todo, chámame a atención isto porque creo lembrar que na carreira comentáronnos que este baixo estaba protexido, pola singularidade da súa decoración e distribución interna, e supoño que agora Malde ao trasladarse levará os mobles, que formaban parte deste interiorismo, co cal se cambiará a imaxe do local.
Espero, por Deus, que non acabe neste baixo tan orixinal e emblemático outra das horribles tendas de recordos que poboan esta rúa, con todas esas chilindradas de cores chillóns, camisetas charramangueiras e figuras absurdas, que con todo o que hai dentro non sumamos nin 100€. ¿Non pode -e debe- o Concello limitar o número destas tendas que devalúan a imaxe da rúa? Mantendo o tipo queda a Oficina do Peregrino -que esperemos que restauren pronto por dentro, xa que esta casa do Deán barroca é un edificio imponente-, a fundación Caixa Galicia, o Casino e a Torrente Ballester, xunto con edificios de uso privado máis ou menos ben conservados. A este paso, unha das rúas máis emblemáticas da cidade acabará sendo un parque temático para turistas, aínda que ese é o camiño que seguirá toda a cidade como non se poña límites á expansión do EuroCamino Resort Santiago.

Déixovos o enlace coa noticia de prensa, por se vos interesa: http://www.lavozdegalicia.es/santiago/2010/01/10/0003_8217534.htm

A foto é de www.malde.net

¡E nevou máis!

2010-01-09T12:08:00.013+01:00

Bueno, nevou un pouquiño menos que onte, pero fixen un percorrido alternativo para poñer novas imaxes da cidade...Espero que vos gusten.

Pazo de Raxoi na praza do Obradoiro

Escaleiras de acceso á fachada do Obradoiro da Catedral

Reixas da Catedral

Detalle das reixas

Rúa de Hortas e Galeras ao fondo

Pivotes e cadeas do Hostal dos Reis Católicos

Dende a praza de Acibechería, vemos o cerre da capela da Corticela, bordeada no exterior polo tránsito da Quintana

Fachada principal do Mosteiro de San Martiño Pinario, actual Seminario Maior Compostelán

Xardíns de San Martiño Pinario na praza da Inmaculada

¡Nevou!

2010-01-08T11:16:00.016+01:00

Hoxe, venres 8 de Xaneiro de 2010, tivemos un regalo de Reis atrasado: unha maravillosa nevada veu cubrir as pedras da nosa cidade. Dende o 1999 que levo vivindo na cidade, non vira nevada tal. O ano pasado caeu un pouco, pero non chegou a estos niveis. Aínda que sei que este non é un tema propio deste blog, non podo ignorar o happening que a metereoloxía montou en Compostela.

Montero Ríos xeado na praza de Mazarelos

Esquina da travesía da Universidade e a rúa do Castro

Quintana de Mortos (de frío!!!)

Estas son as verdadeiras pegadas do Camiño, nas escaleiras da Praza da Quintana

Praza da Inmaculada e da Acibechería

A Berenguela e as torres do Obradoiro

Panorámica de Santiago: un anaco de San Francisco, a biblioteca Anxo Casal, Maxisterio, o auditorio...

Igrexa de San Francisco e muro de Valdedios de San Martiño Pinario. Ó fondo a bruma e o Pico Sacro...

Non é a mesma ca outra!! Nesta pdoemos ver ó fondo o Convento do Carme e o de Santa Clara

Escaleiras de San Martiño dende o aire (que viña frío que era moito)...

E de aquí, o ceo...

Vale que son de bágoa fácil, pero días como hoxe das gracias por estar viva e por poder disfrutar de experiencias coma esta...E aproveito que en este artigo non lle quito a ninguén os fígados pola boca para lembrarme de Estaban Pintos, que morreu nos albores deste ano 2010, deixando un oco moi grande no Bazar Casa Sole, na rúa da Calderería, do que son fan confesa, fiel e inquebrantable. Era un gran profesional, amable e namorado do seu traballo, co cal supoño que tivo unha vida feliz. Dende aquí, un cariñoso recordo para el e a súa familia.

O Banco de España: metáfora da economía do país.

2010-01-07T12:48:00.014+01:00

Cousa bonita, pero bonita de verdade...Ten un toque entre land art, arte póvera e a nai que os fundou...No futuro, albergará o Museo do Peregrino, aínda que un espacio tan versatil coma este, con ese toque boho chic non debe ser confundido cunhas ruinas apuntaladas e cheas de ferralla.

De feito, o edificio rosado contra o que se apoian os puntais é unha galería de arte contemporáneo. ¡¡Menuda instalación que montaron nos xardíns!!

Se non entendín mal, resulta que van parar a obra polo Ano Santo...Igual cando comezaron a derribalo fai 2 meses non se deron conta de que non lles daba tempo... ¡¡Manga de improvisados!!

Para quen non o sepa, a fachada deste edificio é unha das que cerran a praza de Praterías, tendo o lado a casa do Deán, a actual Oficina do Peregrino, e en ángulo recto a casa do Cabildo, ambas barrocas. Xusto en fronte ten a galería de Gil de Hontañón da Catedral, a fonte dos cabalos, e, subindo as escaleiras, a propia fachada de Praterías. Obviamente o antigo Banco de España é moderno, aproximadamente dos anos 50 do XX, senón xa estaría cantando unha aria nas súas ruinas como a Caballé no Liceo.

O único bo, é que temos outra torre que en altura e beleza competirá cona Berenguela:

Nooooooooon...A ampliación de Correos...Noooooooon...

2010-01-07T12:21:00.011+01:00

Sen verbas...O oso cubriu a serpe e produciuse a concepción...Terémolo que comer sen patacas nen pan, e so nos queda o dereito a pataleo. Pois vou exercelo. Falando en prata: MENUDA MERDA!!!! O que decidiu, executou, perpetrou ou maquinou isto, "Anda y vete pa tu pueblo", e se é de aquí, que marche para Ferrol, que alí pode realizarse como persoa.

Esas cousas que penden diante é a iluminación de Nadal, aínda que supoño que antes de rematar lle poran unha saia de faralaes, unha foto de Paquirrín ou unha reproducción a escala do cu dun mono pelado e vermello, por iso de facer o horrendo máis feo todavía...

A foto está un pouco escura, xa a repetirei, pero é para que se vislumbre a perfecta unión e simbiose que existe entre este pombar conceptual e posmoderno de pedra pulida e o que é o entorno da rúa do Franco. Lembremos que esta intervención está a 50 m. de Fonseca e a uns 200 da fachada do Obradoiro. Sinxelamente horrible e lamentable. Unha mostra máis de como as institucións abusan do seu poder e potestade para facer intervencións que un particular tería completamnete vetadas.

Se te das cun aluminio nos dentes: Clínica Dental Pazos

2010-01-06T13:20:00.009+01:00

¡¡Polos cravos de Cristo!! ¿Que é ese horror que acaban de colocar en pleno Cantón do Toural? É o aluminio máis feo da historia da humanidade, é unha aberración, como unha cría de oso apareado cunha serpe...¡Oh meu Deus, porque me abandonaches! Non levaba a cámara, pero en canto poida móstrovos ese horror que me amolou o día de Reyes... aínda que non sei si terei valor para volver miralo...¿A quen hai que darlle biquiños para que che permítan facer iso? ¿Ao desurbanizador maligno? ... Próximas entregas tentan disipar as néboas deste misterio...

Non puiden esperar máis, e esa mesma tarde xa quitei as fotos, aínda que as colgo hoxe, día 7... Aínda que os Reis trouxéronme un libro de técnicas fotográficas, é obvio que aínda non o lin, así que vos aconsello que o vexades in situ...Está, máis ou menos, entre unha tenda de vimbio e Pecados, a tenda de doces...Aínda se pode ver o resto do illante amarelo, xa que é unha rehabilitación super recente.

Non sei que é peor, se ese aluminiaco horroroso, ou ese cristal opaco que puxeron na parte de abaixo. Paréceme vergoñoso, aínda que me imaxino que xustificarán isto dicindo que ao ser unha clínica ten que levar aluminio ou que llo deixan pór a quen lles sale do orto, que tamén é unha argumentación contra a que non podes loitar...

Fiestras de aluminio en Santiago de Compostela (II)

2010-01-04T13:23:00.071+01:00

Fago un camiño alternativo hoxe para ir o traballo e sírveme para comprobar que os carpinteiros, nesta cidade, morren coa fame...Agora, os que colocan o aluminio, deben vivir en palacios de ouro...
O tour de hoxe é dende o Convento das Mercedarias ata a plaza de Galicia pola Virxe da Cerca, e despoís Orfas, Calderería e Preguntoiro, sacando tamén fotos, neste caso, a tódolos baixos comerciais que me chamaron a atención...

VIRXE DA CERCA

RUA DAS ORFAS

Moi lamentable o caso do Convernto de Orfas

RÚA CALDERERÍA

No caso de tendas como esta, Casa Sole, antigas, podemos entender que a normativa non se aplicou ou por descoñecemento da mesma ou porque non se aplicaba no momento. Son as tendas novas as que son unha vergonza. Por certo, gran tenda para os que vos guste cociñar: teñen de todo e a moi bo prezo. ¡E non vou a comisión!.

RÚA DE PREGUNTOIRO

Pido desculpas pola calidade dalgunhas fotos, pero o día está bastante escuro -polo menos non chovía, que levaba unha semana sen parar-, e as rúas son estreitas, polo que nalgúns casos non se aprecia moi ben o aluminio. En fin, urbanistas xusticeiros, quedo agardando polos vosos comentarios, e se coñecedes algún caso especialmente sangrannte, avisádeme...Feliz ano para todas e todos!!!

Chegan os Reis Magos a Ferrol!!

2009-12-23T10:59:00.006+01:00

Por expreso desexo dos comentaristas deste blog, vou intercalar entradas en galego e castelán. O dano que lle poda facer o idioma dóeme, e podería realizar unha encosta ; - ) para ver que idioma é o preferido, pero como non son Feijoo, e creo na convivencia dos 2 idiomas, sen complexos, comezo.

Con esta noticia fixo que se entende porque a pesar de que todo vai tan mal en Ferrol, a xente parece non importarlle:

http://www.lavozdegalicia.com/galicia/2009/12/23/00031261560875517502272.htm

Fiestras de aluminio en Santiago de Compostela (I)

2009-12-20T11:33:00.025+01:00

Cúmprese en Santiago o que eu sempre pensei. Que só poñen madeira os parvos ou os que non teñen a ninguén que lles axude a que se faga a vista gorda. A ver si o Concello colle dunha vez o touro polos cornos e aclárase sobre este tema:

A) Se se pode por alumnio nas xanelas e escaparates, que o poidan por todos.

B) Se non se pode por, a solución non é unha multa, é obrigar a retiralo e por madeira pintada en branco.

C) Se estás a obrigar a por un material máis caro e con peor resultado, deberías subvencionar parte, para que sexa economicamente máis viable, e despois asegurar que se restaura cada certo tempo, que ás veces dá noxo ver as xanelas de madeira dalgunhas casas.

Hoxe porei algunhas imaxes de casas con aluminio na zona vella, desde o Arco de Mazarelos á Praza da Inmaculada pasando pola praza da Universidade cara a Calderería pola libraría Abraxas, Preguntoiro, Praza de Cervantes. e rúa da Acibechería. Para quen non coñeza a cidade, é un percorrido, que a paso normal leva unicamente uns 8 minutos. A cantidade de aluminio en rechamante.

Exemplo 1 (Vese ben no galerín). O edificio en pedra que vemos detrás é a actual Facultade de Filosofía de Santiago -antes foi Xornalismo, que agora se sitúa no Campus Norte, nun edificio deseñado por Álvaro Siza-.

Exemplo 2 Esta casa é un dos puntos de asentamento do Arco de Mazarelos, unha das antigas portas da muralla de Santiago, o que non supuxo un problema para lucir un escandaloso aluminio. Así, podemos velo sucio e cheo de adhesivos e carteis debaixo do cartél co seu nome.

Exemplo 3 Baixada dende Mazarelos cara a Virxe da Cerca.

Exemplo 4 .Esta é a outra casa que sostén o Arco de Mazarelos e a súa vexetación.

Exemplo 5. Casa da Praza de Mazarelos

Ejemplo 6. Otra casa en la Plaza de Mazarelos

Exemplo 7. Rúa Calderería, edificio da reloxería Alfonso.

Exemplos 8 - 25. Outras casas en Calderería e Preguntoiro. ¡Fixaros que hai casos que ata teñen as persianas por fóra!

Exemplo 26. Praza de Cervantes (enrriba de Alimentación Cepeda)

Exemplo 27. Praza de Cervantes (ó lado da sede da Obra Social de Caixanova)

Exemplo 28. Rúa Acibechería

Exemplo 29. Rúa Acibechería. O oscilobatiente non engana.

Exemplo 30. Rúa Acibechería

Exemplo 31. Rúa Acibechería (un aluminio perfecto, xa se lle caíron ata os cuarteróns e como quedan entre 2 cristais, pois no se pode facer nada)

Exemplo 32. Praza da Inmaculada, e escasos 20 m. de San Martiño Pinario, e a uns 50 m. da fachada de Acibechería da Catedral. Se isto non é zona de afectación máxima, non sei que o será.

Exemplo 33. Praza da Inmaculada (o edificio grande que se ve xa é San Martiño Pinario)

Non só as vivendas particulares poñen alumnio, algúns negocios tamén, como o escaparate na Rúa Preguntoiro de Almancenes Álvarez.

Ou o escaparate de moda Carmen - Praza de Cervantes (este edificio restaurouse recentemente en madeira, pero o baixo segue en aluminio dourado). Aproveito para dicirlles que non pasaba nada por cambiar a caixa da alarma, que está oxidada e coa pintura levantada. Seguro que acaba manchando a pedra!

Este é o camiño que fago dende casa ata o meu traballo, e son os casos que vin, pero seguro que se me escapa algún. Pero farei outros percorridos e sacarei máis fotos, que hoxe, 20 de decembro de 2009, facía un frío tan insoportable que me custaba cargarlle ao botón da cámara. Polo demais era un día claro e estupendo para quitar fotos, un día luminoso no que felicito a Manuel, o meu pai, que está de cumpre. Bicos!!!

Hotel Galiano-Plaza de Ferrol

2009-12-17T01:17:00.004+01:00

A miña opinión:

http://arreglaferrol.blogspot.com/2009/12/el-hotel-galiano-plaza.html

A crise da construcción potencia a restauración

2009-12-11T11:48:00.003+01:00

A ver se é verdade, que eses edís das 7 principais cidades, empezando polo de Ferrol -si é que tivo o callo de ir- e acabando co de Santiago, teñen moito por facer...Polo menos é unha noticia, que, á min, alegroume a mañá. Non a crise da construción, por suposto, pero si que se centren os capitais en restaurar obra xa existente e non facela de nova planta. Santiago, por exemplo, paréceme un caso paradigmático, xa que mentres a zona vella está case deshabitada e en moi mal estado, construíuse moito nos arredores con maior ou menor acerto. Se agora, ese mesmo capital, invístese en restaurar e arrombar a arquitectura preexistente, todos gañamos. ¿Por que?. Porque si se restaura pouco, faise en obras moi escollidas que despois resultan inalcanzables a case todos os petos; si se restura moito, o prezo será máis económico, e moita máis xente poderá cumprir o soño, como o que eu teño, de poder vivir nunha casa rehabilitada do centro histórico de Santiago.

http://www.lavozdegalicia.es/santiago/2009/12/11/0003_8164244.htm

Sede de Caixanova e libraría Couceiro

2009-12-10T17:20:00.010+01:00

Parece ser que dende febreiro poderemos gozar coa magnífica nova sede da Fundación Caixanova en Santiago de Compostela, nun impoñente edificio que pecha a Praza de Cervantes, a escasos 100 metros da Catedral e de San Martiño Pinario.
Estou particularmente emocionada por esta restauración, xa que o edificio é unha marabilla e porque vén supor unha rehabilitación máis nunha cidade bastante pouco dad a facelas, ou polo menos a facelas ben. Para comprobar isto non hai máis que ver a rehabilitación do edificio de Couceiro, xusto en fronte e da que en breve porei foto.
O auditorio, que non se puido integrar neste edificio atoparase a escasos 50 m. de aquí, no antigo edificio do Pilar, na rúa Preguntoiro, a máis importante das que desembocan aquí, xunto coa de Acibechería, que xa nos leva á parte máis monumental que citamos antes.

http://www.lavozdegalicia.es/santiago/2009/12/10/0003_8161177.htm

Hoxw, 20.12.2009, pño as fotos da Libraría Couceiro:

Se cadra peco de purista, pero é que me parece unha chapuza. Non entendo se aquí contempláronse as mesmas normas que para o resto dos edificios, porque aínda que puxeron madeira nas fiestras, esa ampliación en pedra puída, con xanelas que non manteñen a estrutura das inferiores e esa varanda de aceiro coas barras en horizontal paréceme un sinsentido. ¿Isto cumpre a normativa? Pois vaia. Aínda que me parece estupenda a localización da libraría e recuperouse o edificio, a ampliación paréceme un horror e gustaríame que me explicasen porque se permitiu esa utilización dos materiais e con eses acabados.